ஃபண்ட் பரிந்துரை : முதலீட்டுப் பரவலாக்கம் என்றால் என்ன?

“மியூச்சுவல் ஃபண்ட் முதலீட்டில் டைவர்சிஃபிகேஷன் மிகவும் முக்கியமானது. அவ்வாறு செய்யும்போது, மார்க்கெட்டில் ஏற்ற இறக்கம் இருக்கும்போது உங்களுக்கு பாதிப்பு மிகக் குறைவாக இருக்கும். அதற்காக 19 ஃபண்டுகளில் முதலீட்டை வைத்திருப்பது டைவர்சிஃபிகேஷன் கிடையாது. அத்துடன் உங்களிடமிருக்கும் ஃபண்டுகளைக் கண்காணிப்பது மிகவும் சிரமமாக இருக்கும். இரண்டு லார்ஜ்கேப், இரண்டு மல்டிகேப், இரண்டு மிட்கேப் மற்றும் இரண்டு ஸ்மால்கேப் என்ற அடிப்படையில் முதலீடு செய்தால் சிறப்பாக இருக்கும். இது வரிச் சேமிப்பு முதலீட்டுக்கும் பொருந்தும்.

ஆக்ஸிஸ் மிட்கேப் ஃபண்டில் புதிதாக முதலீட்டைத் தொடங்கவும். மேலும், உங்களிடமிருக்கும் ஃபண்டுகளில் மிரே அஸெட் லார்ஜ்கேப் ஃபண்ட், கோட்டக் எமெர்ஜிங் ஈக்விட்டி ஃபண்டுகளில் முதலீட்டுத் தொகையை அதிகரித்துக்கொண்டு, மற்ற ஃபண்டுகளை விற்றுவிடவும். மார்க்கெட் இறக்கத்திலிருப்பதால் நிறைய பங்குகள் மிகவும் அட்ராக்டிவாக உள்ளன. இந்த வேளையில் வேல்யூ ஃபண்டைவிட குரோத் ஃபண்டுகளில் முதலீடு செய்வது நல்லது. உங்கள் கணவர் செய்துவரும் ஃபண்டுகளை அப்படியே தொடரவும்.”

“உங்கள் போர்ட்ஃபோலியோவிலுள்ள ஹெச்.டி.எஃப்.சி ஈக்விட்டி ஃபண்டின் செயல்பாடு சரியாக இல்லை. அதை நிறுத்திவிட்டு, அதற்கு பதிலாக மிரே ஃபோகஸ்டு ஈக்விட்டி ஃபண்டில் முதலீட்டைத் தொடங்கவும். மற்ற ஃபண்டுகளின் முதலீட்டை அப்படியே தொடரவும்.”

“உங்கள் போர்ட்ஃபோலியோ நல்லதொரு கட்டமைப்பில் இல்லை. சில ஆண்டுகள் லார்ஜ்கேப் குறைவாக வருமானம் கொடுக்கும். அதை மனதில் வைத்துக்கொண்டோ அல்லது நீண்டகால இலக்குகள் என்று நினைத்துக்கொண்டோ லார்ஜ்கேப் ஃபண்டுகளைத் தவிர்ப்பது சரியான அணுகுமுறை அல்ல. ஐ.சி.ஐ.சி.ஐ புரூ. எக்ஸ்போர்ட்ஸ் அண்ட் சர்வீசஸ் ஃபண்டின் செயல்பாடு நன்றாக இல்லை. அதை நிறுத்திவிடவும். அதேபோல் ஃப்ராங்க்ளின் இந்தியா ஸ்மால் கம்பெனீஸ் ஃபண்ட், ஹெச்.டி.எஃப்.சி மிட்கேப் ஆப்பர்ச்சூனிட்டீஸ் ஃபண்டுகளையும் நிறுத்திவிடவும். அவற்றுக்கு பதிலாக ஐ.டி.எஃப்.சி எமெர்ஜிங் புளூசிப் ஃபண்ட், எடெல்வைஸ் மிட்கேப் ஃபண்ட், ஆக்ஸிஸ் புளூசிப் ஃபண்ட், மோதிலால் ஆஸ்வால் ஃபோகஸ்டு 25 போன்ற ஃபண்டுகளில் முதலீடு செய்யவும்.”

“பலரும் நேரடியாக மியூச்சுவல் ஃபண்டுகளில் முதலீடு செய்ய நினைத்து, அதற்கான திறனை வளர்த்துக்கொள்ளாமல் முதலீடுகளைச் செய்கிறார்கள். இது நீண்டகால சேமிப்புக்கு உகந்தது அல்ல. உதாரணமாக, உங்கள் போர்ட்ஃபோலியோவில் மிரே அஸெட் எமெர்ஜிங் புளூசிப், கனரா ராபிக்கோ எமெர்ஜிங் ஈக்விட்டீஸ் ஃபண்ட், ஆக்ஸிஸ் மல்டிகேப் ஆகிய மூன்றும் மல்டிகேப் அடிப்படையில் முதலீடு செய்கின்றன. உங்களுக்கு மிட்கேப்பில் முதலீடு இல்லை. அதேபோல் லார்ஜ்கேப்பிலும் முதலீடு இல்லை. நீங்கள் வெளிநாட்டில் வேலை செய்யும்பட்சத்தில் லிக்விட் ஃபண்டில் முதலீடு செய்வது என்பது உங்கள் இலக்குகளை அடைய உறுதுணையாக இருக்காது. நீங்கள் 50 லட்சம் ரூபாயை இன்னும் 10 ஆண்டுகளில் அடைய வேண்டுமென்றால், மாதந்தோறும் ரூ.21,700 முதலீடு செய்ய வேண்டும். அதற்கு உங்கள் முதலீடுகள் 12% வருமானம் கொடுக்க வேண்டும்.

தற்போதைய நிலையில் உங்கள் முதலீட்டுத் தொகைக்கேற்ப உங்கள் போர்ட் ஃபோலியோவை அட்டவணையில் பரிந்துரைத்தபடி மாற்றிக்கொள்ளவும். நீண்டகால முதலீடு என்பதால், ஆண்டுக்கு ஒரு முறை கண்காணிக்கப்பட வேண்டும்.”

தொகுப்பு: கா.முத்துசூரியாThis article was published in Nanayam Vikatan on 22/03/2020 written by Mr. Suresh Parthasarathy.