ரூ.10 லட்சம் வரை ஏ.டி.எம் கார்டு இன்ஷூரன்ஸ்..! – கட்டாயம் அறிய வேண்டிய 7 விஷயங்கள்!

வங்கிக்கணக்கு/ஏ.டி.எம் காப்பீட்டுத் திட்டம் பற்றி..!

“2015-ம் ஆண்டு முதல் வங்கியின் வடிக்கையாளங்களுக்கு ‘பிரதம மந்திரி ஜீவன் ஜோதி பீமா யோஜனா (PMJJBY)’ மற்றும் ‘பிரதம மந்திரி சுரக்‌ஷா பீமா யோஜனா (PMSBY)’ என்ற இரண்டு இன்ஷூரன்ஸ் திட்டங்கள் நடைமுறையில் உள்ளன. இவ்விரு திட்டங்களின் மூலமும் வங்கிக்கணக்கு வைத்திருக்கும் ஒவ்வொருவருக்கும் 2 லட்சம் ரூபாய் வரை காப்பீட்டுத் தொகை கிடைக்கும்.

‘பிரதம மந்திரி ஜீவன் ஜோதி பீமா யோஜனா பாலிசியை 18 முதல் 50 வயது வரை உள்ளவர்கள் எடுத்துக்கொள்ளலாம். இதற்கான பிரீமியம் வருடத்துக்கு 330 ரூபாய். அதேபோல, ‘பிரதம மந்திரி சுரக்‌ஷா பீமா யோஜனா’ திட்டத்தை 18 முதல் 70 வயது வரை உள்ளவர்கள் எடுத்துக் கொள்ளலாம். இதற்கான பிரீமியம் வருடத்துக்கு 12 ரூபாய் மட்டுமே. விபத்தால் கண்பார்வை இழப்பது அல்லது இரண்டு கைகளையும் நிரந்தரமாக இழப்பது அல்லது இரண்டு கால்களையும் இழப்பது அல்லது ஒரு கண்ணில் பார்வைத் திறனை நிரந்தரமாக இழப்பது போன்ற இழப்புகளுக்கு, இழப்பீடாக ரூ.2 லட்சம் க்ளெய்ம் பெறலாம். ஒரு கண் அல்லது ஒரு கை அல்லது ஒரு கால் இழப்புக்கு ஒரு லட்சம் ரூபாய் வரை க்ளெய்ம் பெற முடியும். இந்த பிரீமியம் வாடிக்கை யாளரின் கணக்கிலிருந்து ‘Auto-Debit’ மூலம் எடுக்கப்பட்டு, உரிய காப்பீட்டு நிறுவனத்தில் செலுத்தப்படும்.”

“வாடிக்கையாளர் சேவையை மேம்படுத்தும் நோக்கத்தில் ரிசர்வ் வங்கி, ‘பேங்கிங் கோட்ஸ் & ஸ்டாண்டர்ட்ஸ் போர்டு ஆஃப் இந்தியா’ என்ற அமைப்பை ஏற்படுத்தியுள்ளது. இந்த அமைப்பு வங்கிகளுக்கான நெறிமுறைகளை வகுத்துள்ளது. வாடிக்கையாளரின் சேவை குறித்தும் அறிவுறுத்தியுள்ளது. இதன்படி, வங்கிக் கணக்கு மற்றும் ஏ.டி.எம் தொடர்பான அனைத்து வசதிகள் மற்றும் விதிமுறைகளைக் கட்டாயம் வாடிக்கையாளர்களுக்குத் தெரியப்படுத்த வேண்டும். அந்த வகையில், அனைத்து வங்கிகளும், அது சார்ந்த விஷயங் களைத் தங்களின் வாடிக்கையாளர்களுக்குத் தெரியப்படுத்திக் கொண்டுதான் இருக்கின்றன. ஆனால், கால ஓட்டத்தில், பெரும்பாலானவர்கள் இந்த வகை இன்ஷூரன்ஸ் திட்டங்கள் இருப்பதை மறந்துவிடுகிறார்கள். வங்கிகள் இந்தத் தகவல்களைத் தெரியப்படுத்தாமல் போனால், வங்கிக் கணக்குத் தொடர்பான அனைத்து விவரங்களையும், வங்கி அலுவலர் களிடம் கேட்டுத் தெரிந்துகொள்வது அந்தந்த வாடிக்கையாளர்களின் பொறுப்பாகும்.”

“வாடிக்கையாளர்களின் வங்கிச் சேமிப்புத் தொகை, பணப்பரிமாற்றம் ஆகியவற்றைப் பொறுத்து காப்பீட்டுத் தொகை மாறுபடும். உதாரணத்துக்கு, ரூபே கார்டு உள்ளவர்களுக்கு ரூ.2 லட்சம் வரை காப்பீடு வசதி உள்ளது. அதேபோல விசா, மாஸ்டர் கார்டு என வெவ்வேறு கார்டு கொண்டவர்களுக்கு அதற்குத் தகுந்தாற்போல காப்பீட்டுத் தொகையின் அளவு மாறுபடும். ஒரு நபரிடம் ஒன்றுக்கு மேற்பட்ட டெபிட் கார்டு இருந்தால், அட்டை வைத்திருப்பவர் ஒவ்வோர் அட்டையிலும் காப்பீட்டுத் தொகையை உரிமை கோர முடியாது. காப்பீட்டுத் தொகையை ஒரே ஒரு டெபிட் கார்டில் மட்டுமே உரிமை கோர முடியும்.”

“இயற்கை மற்றும் தற்கொலை காரணங்களால் மரணம் எனில், பிரதம மந்திரி ஜீவன் ஜோதி பீமா யோஜனா திட்டத்திலும், விபத்தால் ஏற்படும் மரணம் எனில், பிரதான் மந்திரி சுரக்‌ஷா பீமா யோஜனா திட்டத்திலும் க்ளெய்ம் செய்யலாம்.”